Netanyahunun kortejindəki avtomobilin təkərini deşən şəxs saxlanıldı

İsrailin Ümumi Təhlükəsizlik Xidmətinin əməkdaşları Baş nazir Benyamin Netanyahunun Qüdsdəki iqamətgahı qarşısında dayanmış kortejdəki avtomobilin təkərini deşməkdə şübhəli bilinən şəxsi saxlayıblar.

Avtosfer.az xəbər verir ki, bu barədə "Maariv" saytı məlumat yayıb.

Məlumata görə, avtomobil Təhlükəsizlik Xidmətinin əməkdaşlarından biri üçün nəzərdə tutulub. Təkər deşilən zaman avtomobildə heç kim olmayıb. Həmçinin Baş nazir Netanyahunun da yaxınlıqda olmadığı qeyd edilib.

Polis saxlanılan şəxsin kimliyi və hadisənin motivləri barədə məlumat verməyib.