Oğuzda məktəblilərlə görüşlər keçirilib - FOTO

Oğuz Rayon Polis Şöbəsinin təşkilatçılığı ilə şəhər 1, 3 nömrəli, Kərimli və Qumlaq kənd tam orta məktəblərində müəllim və şagirdlərin iştirakı ilə “Narkomaniyaya yox deyək” adlı tədbir keçirilib. 
Polis əməkdaşları tədbirlərdə çıxış edərək narkomiyanın insan həyatına, sağlam gənc nəslin yetişməsinə mənfi təsirləri barədə danışıb və hər zaman sağlam həyat tərzi sürmələrini, heç kimin təsiri altına düşmədən doğru yolu seçmələrini yeniyetmələrin diqqətinə çatdırıblar.
Sonda mövzu ilə əlaqəli şagirdləri maraqlandıran suallar cavablandırılıb və onların fikirləri dinlənilib.