Partlayış baş verdi: 7 hərbçi həlak olub

Silahlı qrupların fəaliyyət göstərdiyi Çad gölü bölgəsində mina partlaması nəticəsində 7 əsgər həlak olub.

“Report” xəbər verir ki, bu barədə Çad prezidenti Mahamat İdriss Debi İtno məlumat verib.

Onun sözlərinə görə, paytaxtdan təxminən 200 km şimalda Çad gölü əyalətinin Çuku-Telia şəhərində mina partlaması nəticəsində 7 Çad əsgəri ölüb, bir neçəsi isə yaralanıb.

Qərbi Afrikadakı ən böyük radikal islamçı terror qruplaşması olan “Boko-Haram” 2002-ci ildə Nigeriyanın şimalında yaranıb, tarixi bazası Borno əyalətidir.

2015-ci ildə Nigeriya Silahlı Qüvvələri “Boko-Haram”ı böyük məğlubiyyətə uğradıb və nəzarəti altında olan əraziləri xeyli azaldıb.