Polşa və Ukrayna sərhədində minlərlə yük maşını yığılıb

Polşalı fermerlərin etirazına görə Polşa-Ukrayna sərhədində 2,3 min yük maşınından ibarət növbə yaranıb. Bu barədə Ukrayna Dövlət Sərhəd Xidmətinin nümayəndəsi Andrey Demçenko bildirib.

"Şənbə günü, martın 9-u səhər saatlarında Polşa sərhədində bütün istiqamətlərdə 2300 yük maşını növbə çəkir və polşalı fermerlər səyahətlərini çətinləşdirir və ya qeyri-mümkün edir",- deyə Demçenko qeyd edib.

Eyni zamanda o bildirib ki, Krakovets keçid məntəqəsinə doğru blokada martın 13-dək başa çatdırılmalıdır.

Sərhəd agentliyinin nümayəndəsinin sözlərinə görə, ən böyük nəqliyyat sıxlığı Yaqodin və Şeqini keçid məntəqələrində müşahidə olunur, etirazçılar Polşaya gedən yük maşınlarını ümumiyyətlə buraxmırlar.

Qeyd edək ki, polşalı fermerlərin etirazları fevralın əvvəlindən davam edir. Fermerlərin əsas tələbi Ukraynadan Polşaya kənd təsərrüfatı məhsullarının idxalını dayandırmaqdır. (OMM)