Qaradağda avtomobil oğurluğunda şübhəli bilinən şəxs saxlanılıb

Qaradağda avtomobil oğurluğunda şübhəli bilinən şəxs saxlanılıb. Bu baradə Avtosfer.az-a DİN -in mətbuat xidmətindən məlumat verilib. Qaradağ rayonu 38-ci Polis Bölməsinə avqustun 28-də rayonun Sahil qəsəbəsi ərazisində “Tofaş” markalı avtomobilin qaçırılması barədə məlumat daxil olub. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən qəsəbə sakini İ.Məmmədov avtomobillə birlikdə saxlanılıb.

Oğurluq barədə Qaradağ RPİ-də araşdırma aparılır.