"Qatar relslərinə daş düzürlər, əşya qoyurlar" - Hadisələr ən çox axşam vaxtı baş verir - VİDEO

Sürət qatarlarının vaxtından əvvəl gec çatması ilə bağlı zaman-zaman xəbərlər eşidirik. Ləngiməyə kənar müdaxilələrin səbəb olduğu deyilir.

Avtosfer.az xəbər verir ki, maşinistlər "ARB Xəbər"ə qatarların daşlanması, reyslərə maneələrin düzülməsindən danışıblar. İllər maşinist olaraq fəaliyyət göstərən Ruslan Əhmədov deyir ki, qatarın hərəkətinə maneə olan hadisələr tez-tez müşahidə olunur.

"Çəpərləri qırırlar və sındırırlar. Qatarın sistemi elədir ki, biz görəndə kimsə keçir , həmin anda sürətini ala bilirik və təcili tormozlanma aparmaq mümkündür. Belə hallar çox olur. Sırf insanlar yolda olurlar. Reyslərə böyük və balaca daşlar yığırlar. Balaca olanda bu daşlar hardasa yola vermək olur. Qatarın özündə "nternik" olur. Bununla böyük maneələr olduqda kənara atmaq olur. Amma balaca olanda onu görmürsə maneə qatarın altına keçir".

Ətraflı "ARB Xəbər"in süjetində: