Qəzaya uğrayan təyyarədəydi: 10 gün sonra sağ tapıldı

On günlük axtarışlardan sonra “An-2” təyyarəsinin qəzaya uğraması nəticəsində sağ qalan sərnişin tapılıb.

Avtosfer.az-ın xəbərinə görə, sağ qalan sərnişin 36 yaşlı Pavel Krivoşapkindir. Onu həkimlərin müayinə etdiyi və ciddi xəsarətinin olmadığı bildirilir. Krivoşapkinin xilasedicilərin yanına təkbaşına getdiyi də deyilir.

Qeyd edək ki, iyunun 21-də Yakutiyada göyərtəsində üç nəfərin olduğu “An-2” təyyarəsi itkin düşüb. Təyyarə Us Xatın - Şaquli - Us Xatın marşrutu üzrə hərəkət edib.

Təyyarənin qalıqları iyulun 1-də Kobyaiski vilayətində dağın yamacında tapılıb. “An-2” təyyarəsinin qəzaya uğradığı yerdə iki ölü cəsədi də aşkarlanıb.

Lent.az