“Rayonlara getmək üçün bu şəxslərə 2-3 günlük şərait yaradılmalıdır” - Ekspert

Xəbərlər 5 May 2020 16:00 Oxunub 3825
“Rayonlara getmək üçün bu şəxslərə 2-3 günlük şərait yaradılmalıdır”                      - Ekspert
WhatsApp kanalımıza abunə ola bilərsiniz
Ən azından tələbələrə imkan vermək lazımdır ki, onlar gəlib qaldıqları yerdən əşyalarını götürsünlər

"Bakıda yaşayan şagirdlərin və valideynlərinin rayonlara getməsi üçün onlara 2-3 günlük şərait yaratmaq lazımdır”. Avtosfer.az xəbər verir ki, bunu Qaynarinfo-ya açıqlamasında təhsil eksperti Kamran Əsədov deyib. Onun sözlərinə görə, martın 3-dən etibarən tədris prosesinin dayanması 1.6 milyon şagirdin evdə qalmasına gətirib çıxarıb:

"Mart, aprel aylarında hava şəraiti evdə qalmağa imkan verirdi. Havaların isinməsi indi bunu bir qədər mümkünsüz edir. Digər tərəfdən isə 31 maya qədər tədris prosesində tətil olacaq. Ona görə də valideynlərə, şagirdlərə rayonlara getməyə icazə vermək lazımdır. Onsuz da bölgələrdə karantin rejimi aradan qaldırılıb. Bu onların həm yaşıdları ilə birlikdə onlayn dərs prosesində iştirak etməyə də şərait yaradar. Bundan başqa, 135 min tələbə Bakıda kirayələrdə yaşayır, amma indi bölgələrdədirlər. 3 aydır onlar boş - boşuna kirayə pulu ödəyirlər. Ən azından tələbələrə imkan vermək lazımdır ki, onlar gəlib qaldıqları yerdən əşyalarını götürsünlər. Hətta müəllimlər var ki, repititor kimi paytaxtda fəaliyyət göstərir, amma mövcud qaydalara görə, Bakıya və ya digər iri şəhərlərə gələ bilmir. Bütün bunlarla yanaşı, hesab edirəm ki, şagirdlərin, insanların bölgələrə getməsi üçün onlara 2-3 günlük şərait yaratmaq lazımdır”.

Kamran Əsədovun sözlərinə görə, artıq evdən çıxmadan şagirdlərin uzun müddət qapalı qalması onlara fiziki və psixoloji mənfi təsir göstərə bilər: 

"Nəzərə alsaq ki, Bakıda parklara da giriş məhdudlaşdırılıb, deməli, onalrın sərbəst hərəkəti mümkünsüzdür”.

ŞƏRH YAZ
Ad

E-mail

Şərh