Rumıniya “Bayraktar TB2” almağı planlaşdırır

Avqustun əvvəlində Rumıniya Müdafiə Nazirliyi üç “Bayraktar TB2” döyüş pilotsuz uçuş aparatının alınması ilə bağlı müqavilənin ilkin təsdiqi üçün ölkə parlamentinə göndərib. Bu barədə Dünya Silah Ticarətinin Təhlili Mərkəzinin (TSAMTO) məlumatında deyilir. Sənədə əsasən, alışın ümumi dəyəri 300 milyon dollar qiymətləndirilir.Paketə pilotsuz təyyarələrdən əlavə, ilkin maddi-texniki dəstək paketi ilə birlikdə xüsusi təlim avadanlığı da daxil olacaq. Hər bir kompleksə yerüstü hədəfləri vurmağa imkan verən altı dron daxildir.

Satınalma proseduru 2022-ci ildə başlamalıdır. Alınan sistemlər Rumıniyanın quru qoşunlarının istifadəsinə veriləcək. Satınalma Rumıniyanın NATO qarşısında öhdəliklərini yerinə yetirməsinə imkan verməlidir.