Rusiya aviaşirkəti Novosibirskdən Bakıya birbaşa reys açır

Rusiyanın “S7 Airlines” aviaşirkəti Novosibirskdən Bakıya birbaşa müntəzəm reys açır.

Avtosfer.az-ın məlumatına görə, “S7 Airlines” aviaşirkəti bu istiqamət üzrə artıq aviabiletlərin satışına başlayıb. İlk uçuş martın 7-də həyata keçiriləcək.

Qeyd olunur ki, martın sonunadək uçuşlar həftədə bir dəfə, aprelin 3-dən isə həftədə iki dəfə həyata keçiriləcək.

Uçuşlar “Ekonom” sinifdə 174 sərnişini qəbul edə bilən “Airbus A320” təyyarəsi ilə həyata keçiriləcək. Səyahət vaxtı təxminən 4,5 saatdır.

apa