Rusiya bu yük maşınlarını ölkəyə buraxmır

Rusiya hökuməti Avropa İttifaqı, Böyük Britaniya, Norveç və Ukraynadan yük maşınlarının ölkəyə girişinə qoyulan qadağanın müddətini uzadıb.

Avtosfer.az xəbər verir ki, məhdudiyyət qadağaya səbəb olan hallar aradan qaldırılana qədər qüvvədə qalacaq.

Bu məhdudiyyət poçt, diplomatik poçt və humanitar yardımların daşınması istisna olmaqla digər nəqliyyat vasitələri üçün tətbiq ediləcək. Həmçinin Rusiyaya giriş məhdudiyyəti yarışların keçiriləcəyi ərazilərə avadanlıq və idman avtomobillərinin daşınması üçün texniki dəstək yük maşınlarına şamil edilməyəcək.

Xatırladaq ki, Avropa və Ukrayna yük maşınlarının Rusiyaya girişinə qadağa ötən il Aİ-nin Rusiya və Belarus nömrəli ağır yük maşınlarının ölkə ərazisinə buraxılmaması qərarına cavab olaraq tətbiq edilib.

Məhəbbət Tərlanoğlu