Gürcüstanda matəm elan olundu - YENİLƏNİB

22:00

Gürcüstanda iyulun 30-u matəm günü elan olunub.

Bu barədə ölkənin Baş naziri İrakli Qaribaşvili müvafiq qərar imzalayıb.

Qərara əsasən, sabah Qudauri dağ kurortu ərazisində Sərhəd Polisinə məxsus helikopterin qəzaya uğraması nəticəsində həlak olan 8 nəfərin xatirəsinə ehtiram əlaməti olaraq ölkə ərazisində dövlət bayraqları endiriləcək.

Hökumət başçısı həlak olanların ailə üzvlərinə və yaxınlarına dərin hüznlə başsağlığı verib.

21:12

Gürcüstanın Tetri Araqvi vadisində “Mi-8” tipli helikopterin qəzaya uğraması nəticəsində 8 nəfər həlak olub.

Bu barədə Gürcüstanın daxili işlər naziri Vaxtanq Qomelauri bildirib.

Həlak olanların 4-nün ekipaj üzvü, digər 4-nün isə xilasedici və tibb işçiləri olduğu qeyd edilir.

20:00

Helikopter qəzası səbəbi ilə Rusiya-Gürcüstan yolu bağlanılıb.

Məlumatı Gürcüstanın Yollar Departamenti yayıb.

Bildirilib ki, Mtsxeta-Stepantsminda-Lars yolunun 94-cü kilometrində baş vermiş helikopter qəzası səbəbi ilə yolun həmin seksiyasında bütün növ nəqliyyat vasitələrinin hərəkəti xilasetmə tədbirləri bitənədək qadağan edilib. (apa)