Rusiya və Ukrayna arasında əsir mübadiləsi oldu

Ukraynada əsirlikdə saxlanan 303 hərbi qulluqçu Rusiyaya qaytarılıb.

Avtosfer.az xəbər verir ki, bu barədə Rusiya Müdafiə Nazirliyi məlumat yayıb.

Bildirilir ki, onlar mayın 16-da İstanbulda Rusiya-Ukrayna nümayəndələri arasında əldə edilmiş razılaşmaya uyğun olaraq qaytarılıb:

"Əvəzində Ukraynanın 303 hərbi əsiri qarşı tərəfə təslim edilib. Bununla da mayın 23-dən 25-dək Rusiya və Ukrayna tərəfləri arasında "1000-ə 1000" formatı üzrə əsir mübadiləsi baş tutub".

Qeyd edək ki, bu, Rusiya və Ukrayna arasında ən böyük əsir mübadiləsidir.