Rusiyada hava şəraiti ilə əlaqədar bir neçə uçuş təxirə salındı

Rusiyanın “Aeroflot” aviaşirkəti Pulkovo hava limanında əlverişsiz hava şəraiti ilə əlaqədar Moskva və Sankt-Peterburq arasında bir neçə reysi təxirə salıb.

Avtosfer.az xəbər verir ki, bu barədə şirkətin mətbuat xidməti bildirib.

"Pulkovo Hava Limanında əlverişsiz hava şəraiti, yaxın vaxt üçün əlverişli proqnozun olmaması və təhlükəsiz uçuşların təmin edilməsi ilə əlaqədar olaraq, Moskva - Sankt-Peterburq istiqaməti üzrə "SU016" və "SU022" reysləri uçuş hava limanına qayıdıb", - deyə qeyd olunub.

Aviaşirkət həmçinin noyabrın 27-də Moskva və Sankt-Peterburq arasında aşağıdakı reysləri ləğv etmək qərarına gəlib: "SU016/017", "SU022/023", "SU024/025", "SU026/027", "SU030/031".

unikal