Şənlik zamanı faciə: Filadelfiyada avtomobil azarkeşlərin üzərinə sürüldü - VİDEO

Filadelfiyada faciəvi hadisə baş verib. Belə ki, "Philadelphia Eagles" futbol komandasının qələbəsinə sevinən azarkeşlərin üzərinə avtomobil sürülüb.

Avtosfer.az-ın məlumatına görə, bu barədə "NBC News" məlumat yayıb.

"Hadisə azarkeşlər "Eagles"in "Washington Commanders" üzərində qələbəsini və Superkuboka çıxmasını qeyd edərkən baş verib", - deyə məlumatda bildirilir.

Şahidlər hadisə yerini videoya çəkiblər. Görüntülərdə qəza yerinə xilasetmə xidmətlərinin avtomobillərinin gəldiyi görünür.

Qəza nəticəsində yaralananların olduğu bildirilir, ancaq zərərçəkənlərin dəqiq sayı açıqlanmayıb.

Hüquq-mühafizə orqanlarının əməkdaşları baş verənlərin bütün təfərrüatlarını araşdırır. Onlar avtomobilin təsadüfən insanların üzərinə sürüldüyünü ehtimal edirlər.

Polis qadın sürücünün saxlanıldığını bildirib.

(oxu.az)