Soydaşlarımız yaşayan kənddə kütləvi dava - FOTO

Ötən gecə Gürcüstanın Telavi rayonunun azərbaycanlıların yaşadığı Qaracala kəndində kütləvi dava olub.

Avtosfer.az Gürcüstan mediasına istinadla xəbər verir ki, qarşıdurma zamanı 3 nəfər yaralanıb. Onlar xəstəxanaya yerləşdiriliblər.

Ölkənin Daxili İşlər Nazirliyi məlumatı təsdiqləyib.

Nazirlikdən verilən məlumata görə, patrul xidməti qarşıdurmaya girən 15 şəxsi asayişi qorumağa çağırıb, lakin tərəflər çağırışa tabe olmayıb.

Davada iştirak edənlərdən biri asayiş keşikçilərinə fiziki təzyiq göstərib.

Vəziyyəti neytrallaşdırmaq üçün polis əməkdaşları əlavə növbətçi qruplarını çağırıb.

Telavi Rayon Polis Şöbəsi vətəndaşlar arasında baş verən zorakılıq faktı ilə bağlı Cinayət Məcəlləsinin 126-cı və 353-cü (polis əməkdaşlarına hücum və tabe olmama) maddələri ilə istintaqa başlayıb.

Publika.az