Suraxanıda məktəb və xəstəxanın yaxınlığında yeni işıqfor quraşdırıldı - FOTO

Bakıda məktəb və uşaq xəstəxanasının yaxınlığında yolda piyadaların təhlükəsizliyi təmin edilib.

Avtosfer.az xəbər verir ki, Nəqliyyatı İntellektual İdarəetmə Mərkəzinin əməkdaşları paytaxt ərazisində yerləşən təhsil müəssisələri və xəstəxanaların yaxınlığında olan yollarda monitorinqlər keçirirlər. Keçirilən növbəti tədbirlər zamanı piyada və nəqliyyat intensivliyi nəzərə alınaraq, Suraxanı rayonunda 87 nömrəli tam orta məktəbin və 8 saylı  Birləşmiş Uşaq Xəstəxanasının yaxınlığında yeni nəsil LED işıqlandırma ilə təchiz olunan piyada svetoforları və bölmələri quraşdırılıb.

Rayonun Səttar Bəhlulzadə küçəsinin Tofiq Bayram və Əli Əskərov küçələri ilə kəsişməsində yol hərəkəti iştirakçılarının təhlükəsizliyini təmin etmək məqsədilə ümumilikdə 16  ədəd piyada svetoforu və bölməsinin istifadəyə verilməsi nəzərdə tutulur.