Sürət həddini aşmağa görə məhkəmə sərnişini cəzalandırdı

Belə qəribə qərarı Belçika məhkəməsi çıxarıb. 

Avtosfer.az xəbər verir ki, bu yaxınlarda bir avtomobil 235 km/saat sürətlə radara vdüşdüyü üçün saxlanılıb. Qanuna görə, polis sürücünü məhkəməyə verib. 

Sürücü məhkəmədə ifadəsində bildirib ki, sürət həddini aşmasına yanındakı sərnişin - əmisi oğlu səbəb olub. O, arxa oturacaqdakı sevgilisinin sancısı başladığı üçün sürəti artırmağı xahiş edib. 

Sürücünün ifadəsini sərnişin də təsdiqlədiyi üçün hakimin qərarı belə olub: sərnişin 2000 avro cərimə edilməklə sürücülük hüququ 1 il məhdudlaşdırılıb. Sürücünün cəzası daha yumşaq olub: 1600 avro cərimə və sürücülük hüququnun 1 il məhdudlaşdırılması. 

Məhkəmə qərarında göstərilib ki, sərnişin (onun da sürücülük vəsiqəsi var) sürücünü təhrik etməklə qanunsuzluğa yol verib.

Vüqar