T-70 helikopterləri bu ilin sonunadək Türkiyə ordusuna təhvil veriləcək

Türkiyənin TUSAŞ şirkəti tərəfindən istehsal edilən T-70 ümumi təyinatlı helikopterləri bu ilin sonunadək Türkiyə ordusuna təhvil veriləcək. Ordu.az xəbər verir ki, bu barədə Türkiyənin “SavunmaSanayiST” nəşri yazıb.

Helikopter TUSAŞ-ın ASELSAN və “Sikorsky” ilə strateji əməkdaşlığı çərçivəsində dünyanın ən müasir avionika arxitekturalarından biri ilə istehsal olunur.

S-70i helikopteri əsasında hazırlanan uçuş platformasının istehsalında “Alp Havacılık” və TEI şirkətləri də iştirak edir.

Proqram çərçivəsində TUSAŞ, kabin, kokpit, quyruq konusları, üfüqi və şaquli quyruq, əsas və quyruq rotor qanadları kimi bütün əsas hissələrin istehsalı və sınaqlarını həyata keçirəcək. Şirkət, həmçinin inteqrasiya olunmuş logistik dəstək verəcək.

Proqram sınaq uçuşu fəaliyyətləri ilə davam edir. Mühəndislik testi fəaliyyətləri başa çatdıqdan sonra kvalifikasiya/qəbul testləri başa çatacaq. Bu ilin sonuna qədər ilk tədarüklərin həyata keçirilməsi planlaşdırılır.