Tayvan Çinin pilotsuz təyyarəni atəşə tutub

Tayvan hərbçiləri Tayvanın hava məkanını pozan Çin pilotsuz təyyarəsinə atəş açıb.

Avtosfer.az xəbər verir ki, bu barədə Tayvan Silahlı Qüvvələrinin mətbuat xidməti məlumat yayıb.

"Tayvan ordusu çərşənbə axşamı Çin sahilləri yaxınlığında Tayvanın nəzarətində olan adanın üzərindən uçan Çin pilotsuz təyyarəsinə xəbərdarlıq atəşi açıb. Xəbərdarlıq atəşi ilk dəfə belə bir hadisə zamanı atıldı", - məlumatda qeyd olunub.

Bildirək ki, Çin ada ölkəsini qorxutmaq və təcrid etmək üçün müntəzəm olaraq təyyarələrini və döyüş gəmilərini Tayvanın ərazi sularına və hava məkanına göndərir.

"Unikal"