Təhlükəli yüklərin mülki hava gəmilərində daşınması qaydaları hazırlanacaq

Təhlükəli yüklərin mülki hava gəmilərində daşınması qaydaları hazırlanacaq.

Avtosfer.az-ın xəbərinə görə, bu, Prezident İlham Əliyevin “Aviasiya haqqında” qanunun tətbiqi barədə fərmanında əksini tapıb.

Fərmana əsasən, Nazirlər Kabineti təhlükəli yüklərin mülki hava gəmilərində daşınması qaydalarını doqquz ay müddətində təsdiq edib Azərbaycan Respublikasının Prezidentinə məlumat verməlidir. Qaydalarda aşağıdakılar da əksini tapmalıdır:
-təhlükəli yüklərin hava yolu ilə daşınmasında iştirak edən personalın hazırlığının keçirilməsi qaydaları;
-hava gəmisinin sərnişin salonunda, yük və baqaj bölmələrində daşınmasına yol verilən təhlükəli yüklərin siyahısı.
Eyni zamanda Nazirlər Kabinetinə 9 ay müddətində hərbi avadanlığın (ləvazimatların), hərbi avadanlıq (ləvazimatlar) hesab edilməyən təhlükə potensiallı, o cümlədən xüsusilə təhlükəli yüklərin (malların) mülki və eksperimental hava gəmiləri ilə daşınmasına icazə verilməsi qaydasını da hazırlamaq tapşırılıb.

apa