Təyyarə çürük balıqlara görə geri qaytarıldı

Təyyarə göyərtəsində çürük balıqlara görə geri qaytarılıb.

Avtosfer.az xəbər verir ki, hadisə Hollandiyada baş verib.

Məlumata görə, insident Delta aviaşirkətinin Amsterdamdan ABŞ-a uçan təyyarəsində qeydə alınıb. Belə ki, sərnişinlər əl yükünün yerləşdiyi üst rəfdən qurdun düşdüyünü görüb, dərhal stüardessaları çağırıblar.

Yoxlanışdan sonra rəfdə çürümüş balıq olduğu aşkarlanıb. Sərnişinlər bildirib ki, balıq o qədər çürüyüb ki, onu qurdlar bürüyüb. İki saatlıq uçuşdan sonra pilotlar vəziyyəti qiymətləndirib və sərnişinlərin təhlükəsizliyi üçün uçuş hava limanına qayıtmaq qərarına gəliblər.

Aviaşirkət hadisəyə görə üzr istəyib və sərnişinlərə 8000 bonus mil, otel xərclərinin ödənilməsi və yemək çeki təqdim edib.

Məhəbbət Tərlanoğlu