Türkiyə HDQ üçün inşa edilən “Derya” gəmisinin tikintisi tam sürətlə davam edir

Türkiyə Hərbi Dəniz Qüvvələrinə təhvil veriləcək “Derya” gəmisinin tikintisi tam sürətlə davam edir. Ordu.az xəbər verir ki, bu barədə Türkiyə Müdafiə Sənayesi Komitəsinin sədri İsmayıl Dəmir özünün “Twitter” hesabında məlumat yayıb.

Platforma Dəniz Təchizatı Döyüş Dəstək Gəmisi (DIMDEG) Layihəsi çərçivəsində inşa edilən ilk gəmidir.

İsmayıl Dəmir gəminin 2023-cü ildə inventarda yer alması üçün işlərin davam etdiyini bildirib.

“TCG Derya”nın 2024-cü ilin aprel ayında təhvil verilməsi planlaşdırılsa da, müqaviləyə əsasən təslimat 27 sentyabr 2023-cü il tarixinə nəzərdə tutulub.

DIMDEG ən azı dörd gəminin ehtiyatını (qida, su, tibbi ləvazimatlar, yanacaq, sursat və s.) sahil dəstəyi olmadan həyata keçirə biləcək. DIMDEG, həmçinin müəyyən səviyyədə gəmilərə və insanlı və insansız suüstü və sualtı vasitələrə, helikopterlərə və PUA-lara texniki qulluq və təmir işlərinə dəstək verəcək.
 

ordu.az