Türkmənistanda anomal istilər səbəbindən qatarların sürəti məhdudlaşdırılıb

Türkmənistan Dəmir Yolları iyul-avqust aylarında istilərlə əlaqədar qatarların sürətini məhdudlaşdıracaq.

Qərar təhlükəsizlik məqsədi ilə, dəmir yolunun polad hissələrinin güclü isinməsi səbəbindən qəbul edilib.

Qeyd edək ki, regionun digər ölkələrində olduğu kimi Türkmənistanda da anomal isti hava şəraiti hökm sürür. Sinoptiklərin məlumatına görə, son günlər Türkmənistanın şərqində və cənub-şərqində havanın temperaturu 45-47 dərəcə səviyyəsinə qalxıb. Hava proqnozlarına görə, anormal istilər, iyulun sonuna kimi davam edəcək.

oxu.az