Ucarın YPX əməkdaşları əhalini incidir: ŞİKAYƏT - FOTO
Xəbərlər 19 İyun 2018 10:30
Ucarın YPX əməkdaşları əhalini incidir: ŞİKAYƏT - FOTO
WhatsApp kanalımıza abunə olun
Vətəndaş protokoldan rəsmi şəkildə şikayət etdiyini bildirib

Göyçay rayon sakini Xəlilov Xəlil Zeynəddin oğlu Ucar rayon Yol Polisi  Şöbəsinin əməkdaşlarından şikayətçidir.

Avtosfer.az-a bu barədə müraciət edən vətəndaş bildirib ki, Göyçay şəhərində körpünün uçması ilə əlaqədar rayon camaatı müvəqqəti olaraq rayona Ucar yolu ilə gəlməyə məcbur olub.

"Onsuz da 3 km-lik məsafəyə getmək üçün 70 km yol qət edirik. Bir tərəfdən də Ucar YPX əməkdaşları bizə göz verib işıq vermir. 2 gün əvvəl Ucar rayonuna gedəndə nizamlanmayan yol ayrıcında "STOP" və yol ver işarəsi olmamasına baxmayaraq   sağ tərəfimi gözləyib yolu keçdim. YPX əməkdaşı məni saxlayaraq burada mütləq stop edib dayanmalı, sonra hərəkət etməli olduğumu bildirərək İXM-nin 327.2 maddəsi ilə protokol tərtib etdi. Etiraz etsəm də heç bir məhəl qoymadı. Məcbur olub polisin tələbinə tabe oldum və protokolu imzaladım." 

Vətəndaş protokoldan rəsmi şəkildə şikayət etdiyini bildirib. 

Qeyd edək ki, qanuna görə,  yolayrıcında yalnız 2.5 dayanmadan keçmək qadağandır nişanı varsa, sürücü dayanmalıdır. Qalan hallarda yalnız yol verilməli nəqliyyat vasitəsinə yol vermək üçün dayanmaq məcburidir.

Onu da əlavə edək ki, son günlər Göyçayda körpünün uçmasından sonra rayon mərkəzi ilə bir çox kəndlər arasında əlaqə kəsiıib. Sakinlər rayona gəlmək üçün 50-80 km yol qət etmək məcburiyyətindir. Sakinləin sözlıərinə görə, Ucar yolu ilə Göyçaya hər səhər bazara öz məhsullarını satmaq üçün gətirən kənd adamları Ucar YPX əməkdaşlarından narazıdır. Sakinlər deyir ki, hər gün 5-6 DYP avtomobili yol boyu düzülür və "reyd" keçirirlər. Nəticədə sakinlər bundan əziyyət çəkir.

Avtosfer.az olaraq məsələni diqqətdə saxlayacağıq.

FOTO QALEREYA
Oxunub : 4657
DİGƏR XƏBƏRLƏR
ŞƏRH YAZ
Ad

E-mail

Şərh