Macarıstanın “Wizz Air” aşağı büdcəli aviaşirkəti sosial şəbəkələrdə şirkətin boykot edilməsi çağırışlarından sonra Moskva və Dubay arasında uçuşları bərpa etmək barədə qərarını dəyişib.

Meduza yazır ki, avqustun 19-da uçuşlara bilet satışı dayandırılıb. Wizz Air avqustun 8-də müharibənin başlaması ilə əlaqədar dayandırılan uçuşların bərpa olunduğunu açıqlamışdı. Bundan sonra Twitter-də #wizzairsupportsterrorists və #WizzAirMakesMoneyOnBlood həşteqləri aktiv şəkildə yayılmağa başladı.

Uçuşlardan imtina ilə bağlı şirkətdən verilən rəsmi açıqlamada bunun səbəbinin “təchizat zəncirində sənaye məhdudiyyətləri” olduğu qeyd edilir. Orada boykot çağırışları qeyd olunmur. Wizz Air həmçinin vurğulayıb ki, reyslər rəsmi olaraq BƏƏ-nin daşıyıcısı olan Wizz Air Abu Dhabi-nin törəmə şirkəti tərəfindən həyata keçirilməli idi və bu ölkənin digər aviaşirkətləri Rusiyaya uçur.