Xankəndi küçələrində 100 metrlik Rusiya bayrağı ilə aksiya

Ötən gün bir neçə yüz erməni Xankəndi küçələrinə çıxaraq 100 metrlik Rusiya bayrağı ilə yürüş keçirib.
Avtosfer.az xəbər verir ki, erməni KİV-lərinin yazdığına görə, aksiya “şəhər sakinləri” tərəfindən təşkil olunub və Xankəndində keçirilən ən böyük rusiyapərəst mitinqdir.
Qeyd edək ki, Rusiya bayrağı ilə keçirilən aksiya Ermənistanda Rusiya sülhməramlılarına qarşı etirazların artması fonunda baş tutub. Azərbaycan ordusunun “Qisas əməliyyatı” keçirməsindən sonra etirazlar genişlənib.
Daha sonra Xankəndində Rusiya əleyhinə mitinqlər keçirilib, iştirakçılar rus sülhməramlılarını öz tapşırıqlarını yerinə yetirməməkdə ittiham ediblər. Fransa sülhməramlılarının Qarabağda yerləşdirilməsi tələbi ilə İrəvanda da analoji aksiyalar keçirilib.

Yeniavaz.com