"Yayın istisi bir tərəfdən, zibil qoxusu da digər tərəfdən" – Binədən şikayət + Fotolar

Avtosfer.az-ın daimi oxucularından biri redaksiyamızın elektron poçtuna məişət tullantılarının vaxtında yığışdırılmaması ilə bağlı fotolar göndərib.

Adının çəkilməsini istəməyən yerli sakin, fotoların Xəzər rayonunun Binə qəsəbəsi, Nizami Abbasov küçəsində (rus qəbirsanlığı deyilən yerdə) çəkildiyini bildirib. O, həmçinin qeyd edib ki, artıq bir həftədir ki, zibillər yığışdırılmır: “Yayın istisi bir tərəfdən, zibil qoxusu da digər tərəfdən...

İydən üfunətdən nə küçədən keçmək olur nə də ki, evdə oturmaq, başdan ayağa antisanitariyadır”.

Qeyd edək ki, sakinlər bununla bağlı Binə Bələdiyyəsinə dəfələrlə müraciət etsələr də, təəssüf ki bu faydasız olub.

Namiq Musayev