Yunan fermerlər etiraz əlaməti olaraq traktorlarla Afinaya gediblər - VİDEO

Yunanıstanın hər yerindən fermerlər traktorlarla Afinaya gedərək yanacağın və gübrələrin bahalaşmasından narazılıqlarını bildiriblər.

Bu barədə Reuters xəbər verir.

Parlamentin qarşısında onlarla traktor dayanıb. Onlardan birində “Bu gün mal-qara tələf oldu” yazılmış plakat asılıb.

“Biz Afinaya daha yaxşı gələcək üçün gəldik. Hər şey çox bahadır: benzin, gübrə”, - deyə fermerlərdən biri bildirib.

Mitinqdə yüzlərlə traktorlu fermerin iştirakı gözlənilir. Aksiya artıq elektrik enerjisi ödənişlərində endirimlər və dizel vergisi kreditinin 2024-cü ilin sonuna qədər bir illik uzadılmasını təklif edən hökumətə təzyiq göstərmək məqsədi daşıyır.

Xatırladaq ki, bu, Yunanıstanda fermerlərin ilk etirazı deyil. Fevralın əvvəlində onlar ölkənin şimalında təbii fəlakətlər nəticəsində zeytun ağaclarına dəyən ziyana görə kompensasiya tələbi ilə yolları bağlayıblar.

oxu.az