Atasının avtomobilini sürən gənc qəza törədib

Sumqayıtda atasının avtomobilini sürən gənc qəza törədib. Hadisə şəhərin Niyazi küçəsində baş verib.
AZƏRTAC xəbər verir ki, hadisə zamanı "Mercedes” markalı minik avtomobili ilə "KİA” markalı avtomobil toqquşub. Nəticədə “KİA”nın sürücüsü Fəxrəndə Əlifxanova müxtəlif dərəcəli bədən xəsarətləri alaraq Sumqayıt Şəhər Təcili Tibbi Yardım Xəstəxanasına çatdırılıb. "Mercedes”in sürücüsü isə hadisə yerindən qaçıb.
Faktla bağlı Sumqayıt polisi araşdırma aparır.