Dayanacaqda körpə ağaclara həm qurumlar, həm də vətəndaşlar belə "qayğı" göstərir - FOTO

Paytaxt Bakıda elə avtobus dayanacaqları var ki, orada nə pavilyon, nə də ağac olur, sərnişinlər açıq hava altında avtobus gözləyirlər.

Avtosfer.az xəbər verir ki, Yasamal rayonu, Nazim Hikmət küçəsindəki ("ASAN Xidmət"dən aşağıda) dayanacaqda pavilyon da var, ağaclar da. Amma burada körpə ağaclar suvarılmadığı üçün boy atmır.

Həmçinin bəzi vətəndaşların da "qayğısı" göz önündədir. Ağacların dibini siqaret kötüyü ilə zibilləyirlər.

Bu sahəyə nəzarət tədbirləri gücləndirilsə yaxşı olar. Yeri zibillədiyi üçün cərimələnənlər olsa bəlkə bu problemlər müəyyən qədər azalar.

Fotonu təqdim edirik:

Leyla