Bahalı "Range Rover"lə yolu "protiv" kəsib mağazaya getdi - FOTO

Paytaxtın Xətai rayonu, İnqilab İsmayılov küçəsində (Həzi Aslanov metrosunun yanı) qaydaları kobud şəkildə pozan sürücü kameraya düşüb.

Bu barədə Avtosfer.az-a vətəndaşlardan biri foto göndərib. Bildirilir ki, 90-US-777 dövlət nömrə nişanlı, "Range Rover" markalı avtomobilin sürücüsü əks istiqamətli yolda tam zolağı zəbt edərək avtomobili saxlayıb. Fotonu göndərən şəxs idda edir ki, sürücü maşından düşərək mağazaya gedib. 

Bu cür qayda pozuntusu dayanma-durma ilə yanaşı əks istiqamətdə hərəkət etmə qaydasının pozulması kimi dəyərləndirilə bilər. Təbii ki, qiyməti 200 min dollara yaxın olan avtomobil idarə edən şəxs üçün bu cərimə gözə görünməyə bilər. Lakin insanlara qarşı bu qədər sayğısızlıq göstərmək "insanlıqdan" kənar bir addımdır. Fotonu təqdim edirik:

Fərid