Bakıda 2 "Prius" toqquşdu, xəsarət alan var

Bakının Nizami rayonunda iki avtomobilin toqquşması ilə nəticələnən yol-nəqliyyat hadisəsi baş verib.

Qəza Qara Qarayev prospektində qeydə alınıb. Hadisə zamanı "Toyota Prius" markalı iki avtomobil toqquşub. Avtomobillərdən biri zərbənin təsirindən beton maneəyə çırpılıb.

Hadisədə xəsarət alan bir nəfər, əraziyə çağrılmış təcili yardım avtomobili ilə xəstəxanaya aparılıb.

Hadisənin təfərrüatı araşdırılır. (apa)