Bakıda "protiv" gedən taksi sürücüsünün vəsiqəsi əlindən alındı - VİDEO

Bakıda əks yola çıxaraq axına qarşı hərəkət edən taksi sürücüsü məsuliyyətə cəlb edilib. Bu barədə Avtosfer.az-a Bakı şəhər Dövlət Yol Polisi İdarəsindən məlumat verilib. 99-VD-291 qeydiyyat nişanlı "Toyota Prius" markalı avtomobilin sürücüsü tıxac zamanı hamıdan önə keçmək üçün ayırıcı zolağın əks tərəfində qarşıdan gələn avtomobillərin üzərinə sürərək yolda təhlükəli vəziyyət yaradıb. Videogörüntüyə baxış keçirildikdən sonra sükan arxasında Ziyadov Hamlet Adıgözəl oğlunun olduğu müəyyən edilib. O, törətdiyi xətaya uyğun olaraq İnzibati Xətalar Məcəlləsinin 327.4-cü maddəsi ilə 4 bal 100 manat məbləğində cərimə  edilib. Sürücü il ərzində törətdiyi xətalara görə 20-dən çox cərimə balı yığdığı üçün onun sürücülük hüququ 6 ay müddətinə məhdudlaşdırılıb.

Könül