Bir-birinin acığına düşən sürücülər yarışa çıxdılar - VİDEO

Hava limanı yolunda qeydə alınmış hadisənin görüntüsünü oxuculardan biri redaksiyamızın qaynar xəttinə göndərib.

Avtosfer.az xəbər verir ki, hadisə zamanı 99-VR-881 dövlət qeydiyyat nişanlı "Opel" markalı avtomobilin sürücüsü, qarşısında hərəkət edən 10-VF-198 dövlət qeydiyyat nişanlı "Nissan" markalı avtomobilin sürücüsündən yol istəyib. Lakin qarşı tərəfin ona yol verməməsi sürücünü qəzəbləndirib və bu, təxribat xarakterli hərəkətlərin başlanğıc nöqtəsinə çevrilib.

Yol ala bilməyən "Opel" markalı avtomobilin sürücüsü emosiyalarına hakim ola bilməyərək sürətini artırıb və sağdan ötmə edərək "Nissan"ın qarşısına keçib. Bu hərəkət isə "Nissan" sürücüsünün də qəzəblənməsinə səbəb olub və o da sağdan ötmə edərək "Opel"in qarşısına keçməyə çalışıb.

Beləliklə, hər iki sürücü bir-birinə baxaraq yüksək sürətlə yarışmağa başlayıblar. Bu zaman digər hərəkət iştirakçılarını da təhlükə altında qoyublar.

Sözügedən videonu təqdim edirik.

Fərid