Böyükşor yolunda təhlükə saçan sürücü görün avtomobillərə necə qəza riski yaratdı - VİDEO

Paytaxtın Böyükşor yolunda kobud qayda pozan sürücü avtomobilin kamerasına düşüb.

Bu barədə Avtosfer.az-a izləyicilərdən biri videogörüntü göndərərək məlumat verib. Hadisə iyulun 4-də saat 14:15 radələrində qeydə alınıb.

Kadrlardan görünür ki, 99-VU-265 dövlət qeydiyyat nişanlı “Ford” markalı avtomobilin sürücüsü qarşısındakı nəqliyyat vasitələrini ötmək məqsədilə yolun kənarına çıxaraq bütöv xətti tapdalayıb və hərəkət zolağındakı avtomobilləri sıxışdırıb. Nəticədə o, həm görüntünü qeydə alan avtomobilin, həm də qarşıda hərəkətdə olan yük maşınının sürücüsü üçün qəza şəraiti yaradıb.

Şikayətçinin sözlərinə görə, daha sonra qayda pozan sürücüyə yaxınlaşaraq etdiyi hərəkətlə bağlı iradını bildirib. Lakin sürücü əl-qol hərəkətləri ilə hərəkətini haqlı hesab etdiyini nümayiş etdirib.

Nərmin