Maşınını blokun girişində saxlayan qadın hamının yolunu kəsdi - VİDEO

Paytaxtın Yasamal rayonu, “İnşaatçılar” metrostansiyasının yaxınlığında dayanma-durma qaydalarını pozan sürücünün hərəkəti narazılığa səbəb olub.

Avtosfer.az xəbər verir ki, bu barədə sürücülərdən biri redaksiyanın “Instagram” səhifəsinə məlumat verib. Hadisə noyabrın 12-də saat 15:40 radələrində qeydə alınıb.

Belə ki, 99-ST-521 dövlət nömrə nişanlı “Nissan” markalı avtomobilin sürücüsü nəqliyyat vasitəsini yaşayış binasının girişində saxlayıb. Nəticədə binaya daxil olan və oradan çıxan sakinlərin hərəkəti çətinləşib. Bundan başqa, avtomobil məhəlləyə daxil olmaq istəyən digər sürücülərin də yolunu bağlayıb.

Şikayətçinin sözlərinə görə, qadına məxsus olan avtomobil uzun müddət ərazidə saxlanılıb. Bu səbəbdən məhəlləyə daxil ola bilməyən sürücülər geri qayıtmaq məcburiyyətində qalıblar.

Nərmin