"Galenwagen"i yolun ortasına atıb piyadalara və sürücülərə mane oldu - FOTO

Bakıda qayda pozan bahalı nömrəli avtomobilin sürücüsünün fotosu sosial şəbəkədə yayılıb. Avtosfer.az xəbər verir ki, 90-SP-900 qeydiyyat nişanlı “Mercedes Gelandewagen” markalı avtomobilin sürücüsü həm yolayrıcında, həm də piyada keçidinin üzərində saxlayaraq hərəkətə mane olub. Sağa dönən sürücülər və yolu keçən piyadalar təhlükə ilə üz-üzə qalıb.

Qeyd edək ki, sözügedən maşının sürücüsü redaksiyamıza müraciət edərək üzrlü səbəbdən dayanma-durma qaydasını pozduğunu bildirib. Belə ki, o, yoldan keçən piyadanın halının qəfil pisləşdiyi üçün aptekə getdiyini və bu zaman fotonun çəkildiyini əlavə edib.

Leyla