Keçidi keçən piyadalar təhlükə ilə üz-üzə qaldı - VİDEO

Xırdalan şəhərində yol hərəkəti qaydasını pozan sürücü piyadalara təhlükə yaradıb. Avtosfer.az xəbər verir ki, hadisə Heydər Əliyev prospektində qeydə alınıb. Belə ki, 99-ND-808 qeydiyyat nişanlı "Nissan" markalı avtomobilin sürücüsü keçidi keçən piyadalara yol verməyərək yüksək sürətlə yoluna davam edib. Onlar təhlükəli vəziyyəti görən zaman qol qaldıraraq narazılıqlarını bildiriblər.

"Yol hərəkəti haqqında" qanunda qeyd olunub ki, əgər nəqliyyat vasitəsi nizamlanmayan piyada keçidinin qarşısında dayanmışdırsa və ya sürətini azaltmışdırsa, qonşu zolaqlarda hərəkət edən digər nəqliyyat vasitələrinin sürücüləri yalnız dayanmış nəqliyyat vasitəsinin qarşısında piyadaların olmadığını yəqin etdikdən sonra hərəkəti davam etdirə bilərlər.

Fərid