Mağazanın qarşısını şəxsi parklanma yerinə çevirən şəxs cərimələndi - FOTO

Bakıda parklanma yerini zəbt edən mağazanın məsul şəxsi cərimələnib. Bu barədə hüquqşünas Fərid Süleymanov sosial şəbəkə heabında paylaşım edib. Avtosfer.az xəbər verir ki, F.Süleymanov onun avtomobilinin parklanmasına maneə yaradan şəxslər barəsində Bakı şəhər Baş Polis İdarəsinə rəsmi qaydada şikayət ünvanlayıb. Belə ki, Yasamal rayonu, Nərimanov prospekti 137 ünvanında yerləşən "Lume Grand" mağazasının qarşısına konuslar qoyan şəxslər avtomobillərin parklanmasını məhdudlaşdırıblar. Bakının bir çox yerlərində mağaza və restoran sahibləri özləri və müştəriləri üçün müəyyən yerlərə konuslar qoyaraq oranı zəbt edirlər. Sözügedən mağazanın qarşısında da üzərinə "Lume Grand" yazılan konusları yolun kənarına düzərək parklanma yerini zəbt ediblər. Bakı şəhər Baş Polisi İdarəsinin əməkdaşları ərazini müayinə edən zaman fakt öz təsdiqini tapıb və bu səbəbdən həmin əməli törətmiş şəxs İnzibati Xətalar Məcəlləsinin 354.0.4-cü maddəsi ilə məsuliyyətə cəlb edilib.


Leyla