Məmur "AA" nömrəli maşınla vətəndaşın yolunu kəsdi; yol polisi cərimə yazdı - VİDEO

DİN Baş Dövlət Yol Polisi İdarəsinin şöbə rəisi polis polkovnik-leytenantı Rövşən Tağıyev Avtosfer.az-a bildirib ki, paytaxt ərazisində yol hərəkəti qayda pozuntusu törədən "Mitsubishi" markalı 02-AA-205 nömrə nişanlı avtomobilin sürücüsü P.Canayev İnzibati Xətalar Məcəlləsinin 327.2-ci maddəsi ilə inzibati məsuliyyətə cəlb edilib: "Bir daha hər kəsi qaydalara riayət etməyə cağırırıq".

***

Bakıda qayda pozan “AA” seriyalı avtomobilin sürücüsü yolu kəsib. Avtosfer.az xəbər verir ki, hadisə sentyabrın 7-də, paytaxtın Zahid Xəlilov küçəsində qeydə alınıb. Belə ki, 02-AA-205 qeydiyyat nişanlı “Mitsubishi” markalı avtomobilin sürücüsü əks yola çıxaraq qarşıdan gələn maşının qarşısını kəsib. Bundan sonra avtomobildə olan rəhbər şəxs düşərək idarəyə daxil olub. Sürücü isə yolunu  kəsdiyi avtomobilə yaxınlaşaraq “idarənin qarşısında rəisi düşürürəm” deməklə özünə haqq qazandırmağa başlayıb.

Avtosfer.az-ın əldə etdiyi məlumata görə, 02-AA-205 qeydiyyat nişanlı avtomobil “Qarabağ iqtisadi rayonunda bərpa, tikinti və idarəetmə xidməti” publik hüquqi şəxsinə məxsusdur.

Leyla