Kamera olmayan yolda "protiv" gedən sürücülər belə yaxalandı - VİDEO

Avtomobillərdə quraşdırılan videoregistratorlar qayda pozanların “qənimi” olmağa davam edir. Belə ki, Bakıda qayda pozan sürücülər yenə də kameraya düşüb.
Avtosfer.az xəbər verir ki, onlar paytaxtın Binəqədi şossesində və Xırdalan şəhəri Heydər Əliyev prospektində bütöv xətti tapdalayıb qarşı zolağa çıxaraq ötmə əməliyyatı edib. 
Heydər Əliyev prospektində yaranan tıxacda dayanmaq istəməyən sürücü əks yola çıxaraq “qabağa düşməyə” çalışıb. 
Binəqədi şossesindəki qayda pozuntusu edən sürücü isə avtobusu ötüb keçmək üçün bütöv xətti tapdalayıb qəza şəraiti yaradır. 
Qeyd edək ki, hər iki halda sürücülər bütöv xəttin tələbini pozub əks zolağa çıxdıqları üçün onları 4 bal, 100 azn məbləğində cərimə gözləyir. 

Aysel