Parkinq üçün yer axtaran “Chevrolet” qoşa xətti gözardı etdi - VİDEO

Avtomobilini park etmək istədi, anidən əks istiqamətə dönərək qayda pozuntusu törətdi.

Avtosfer.az xəbər verir ki, sosial şəbəkələrdə qınaq obyektinə çevrilən hadisə paytaxtın Yeni Yasamal yaşayış massivində, Əsəd Əhmədov küçəsində qeydə alınıb. Sürücü kamerasına düşən görüntülərdən də aydın olduğu kimi “Chevrolet Cruze” markalı, 10-XY-922 dövlət nömrə nişanlı avtomobilin sürücüsü bütöv qoşa xəttə məhəl qoymayaraq əks yola keçid edib. Yoldakı sıxlığın olmasını və bu zaman qəza şəraiti yaranma ehtimalını gözə alan sürücü digər nəqliyyat vasitələrinin hərəkətini nəzərə almadan avtomobilini park etməyə çalışıb. Xoşbəxtlikdən yoluna girdiyi avtomobillər təmkinli davranıb və sürücünün törətdiyi qayda pozuntusuna göz yumub. 

Nərmin