Qaranlıqda faraları yandırmayan sürücünü hansı cəza gözləyir? – Yol polisindən AÇIQLAMA - VİDEO

Gecə saatlarında avtomobil faralarının yanmamasının cəriməsi nə qədərdir?
Avtosfer.az xəbər verir ki, Avto radioda Bakı şəhər Dövlət Yol Polisi İdarəsinin baş inspektoru polis mayoru Araz Əsgərli məsələyə aydınlıq gətirib. Bildirib ki, işıq cihazlarını qaranlıqda yandırmayan sürücü belə halda işıq cihazlarından istifadə qaydasına əməl etmir. Faraların yandırılması ilk öncə həm özünüzün, həm də digər sürücülərin təhlükəsiz hərəkət etməsi üçün lazım olan amillərdən biridir. “Tunellərə daxil olarkən və günün qaranlıq saatlarında sürücünün vəzifəsidir ki, faraları yandırsın. Bu həm qaydadır, həm də ki, ətrafdakı insanlara hörmətli münasibət”.
Qeyd edək ki, bu halda sürücü İnzibati Xətalar Məcəlləsinin 329.3-cü maddəsinə görə 30 manat məbləğində cərimə edilə bilər.

Nurlan Sakitoğlu