Qayda pozub təhlükə yaradan sürücü özünü videoya çəkib sosial şəbəkədə yaydı - VİDEO

Qaydalar 8 Yanvar 2021 15:50 Oxunub 2154
Qayda pozub təhlükə yaradan sürücü  özünü videoya çəkib sosial şəbəkədə yaydı - VİDEO
WhatsApp kanalımıza abunə ola bilərsiniz

Yol hərəkəti qaydasını pozan sürücü öz hərəkətlərini videoya çəkərək sosial şəbəkədə paylaşıb. Avtosfer.az xəbər verir ki, 99-FC-103 qeydiyyat nişanlı “Vaz 2107” markalı avtomobilin sürücüsü videogörüntünün birində bütöv xəttin tələbini pozaraq əks istiqamətli hərəkət zolağına çıxmaqla ötmə əməliyyatı edib.Digər videoda sürücü qırıq-qırıq xətdə ötmə əməliyyatına başlayıb, lakin qarşıdan gələn sürücünün üzərinə sürərək ona təhlükə yaradıb.

Sürücülər bəzən elə düşünür ki, ötməni qadağan edən nişan yoxdursa istədikləri kimi ötmə əməliyyatı edə bilərlər. Qəzalar da məhz sürücülərin bu cür düşündüyünə görə baş verir.

“Yol Hərəkəti Haqqında Qanun”da qeyd olunub ki, sürücü ötməyə başlamazdan əvvəl əmin olmalıdır ki, girmək istədiyi hərəkət zolağı ötmə üçün kifayət edəcək məsafədə boşdur və bu manevr ilə o, qarşıdan gələn və bu zolaqda gedən nəqliyyat vasitələri üçün maneə yaratmayacaq.

 

Fərid

ŞƏRH YAZ
Ad

E-mail

Şərh