Qolu gipsdə olan sürücü maşını bir əlli "protiv" sürüb qəza şəraiti yaratdı - VİDEO

Masazır-Novxanı yolunda təhlükəli manevrlər edən sürücünün görüntüləri avtomobildəki kameraya düşüb. Avtosfer.az">Avtosfer.az xəbər verir ki, mayın 29-u sözügedən yolda hərəkət edən 99-PB-194 qeydiyyat nişanlı avtomobilin sürücüsü qoşa xəttin tələbini pozaraq əks istiqamətli zolaqda axına qarşı hərəkət edib. Qarşıdan gələn avtomobilin üzərinə sürməyi azmış ki, işıq siqnalları ilə işarə verərək ondan yol verməyi də tələb edib. Görüntünü qeydə alan sürücü qəfil tormoz verərək toqquşmanın qarşısını alıb.

Qeyd edək ki, sürücünün bir qolunun gipsdə olması videogörüntüdə əks olunub. O, avtomobili bir əlli idarə etdiyi üçün daha ehtiyatlı olmaq əvəzinə, qaydaları pozaraq həm özünü, həm qarşıdan gələn sürücünü təhlükəyə atıb.

Təbriz