Şamaxıda nömrəsiz avtobuslar problemi həll oldu - Avtosfer.az yazandan sonra - FOTO - VİDEO

İki gün əvvəl Avtosfer.az “Avtobuslar radara və kameraya düşməmək üçün nömrəsiz işləyir – DYP hara baxır?” başlıqlı yazı dərc etmişdi. Belə ki, Şamaxı rayonunda 1 və 2 nömrəli marşrut üzrə hərəkət edən sərnişin avtobusları nömrəsiz işləyir. Təqdim olunan videolardan da görünürdü ki, avtobusların heç birinin üzərində dövlət nömrə nişanı yoxdur.

Avtosfer.az məsələni ictimailəşdirəndən sonra isə artıq həmin nömrəsiz avtobusların üzrəinə dövlət nömrə nişanları vurulub. Bu barədə fotolar da saytımıza təqdim edilib.

Qeyd edək ki, nəqliyyat vasitəsini dövlət nömrə nişanı olmadan idarə etməyə görə 60 manat 4 bal cərimə nəzərdə tutulur. Şamaxıda ata-oğula məxsus şirkətin isə 10-dan artıq avtobusu var və onların heç birinin üzərində nömrə olmur. Beləcə, onlar hər gün ən azı min manatlıq qayda pozuntusuna yol vermiş olurlar.

Fərid