Sürücü qadını yolun ortasında düşürüb həyatını təhlükəyə atdı - VİDEO

Bakıda yol hərəkəti qaydasını pozan sürücü, digər hərəkət iştirakçılarının həyatını təhlükə altında qoyub. Avtosfer.az xəbər verir ki, hadisə dekabrın 6-da, paytaxtın Heydər Əliyev prospektində qeydə alınıb.

Belə ki, 90-TR-939 qeydiyyat nişanlı "Ford" markalı avtomobilin sürücüsü, sol hərəkət hissəsində dayanaraq maşındakı sərnişini düşürüb. Avtomobildən düşən qadın isə, yolu nəzərdə tutulmayan yerdən keçərək, öz həyatını təhlükə altında qoyub.

Qeyd edək ki, sürücülər yalnız yolun sağ hərəkət hissəsinin kənarında dayana bilərlər. Digər hərəkət hissələrinin kənarında dayanmaq qadağandır. Üstəlik, belə yerlərdə sərnişini düşürmək, bilavasitə onun həyatını təhlükəyə atmaqdır.

Fərid