"BMW" sürücülərinin diqqətinə: bu dəyişikliyi etmək olar? - FOTO

Son zamanlar “BMW” markalı avtomobil sürücüləri yol polislərinin hərəkətləri ilə bağlı redaksiyamıza şikayət ünvanlayırlar. Yol polisləri həmin sürcüləri saxlayaraq işlənmiş qazların xaricetmə sisteminə dəyişiklik edildiyini və əlavə iki çıxışın qurşadırılmasının qanunsuz olduğunu əsas gətirərək avtomobili mühafizə olunan duracağa yerləşdirirlər. Sürücülər isə bu dəyişikliyin qanunsuz olmadığını hesab edərək əsassız şəkildə cərimələndiklərini bildirirlər.

Bəs avtomobildə edilən bu dəyişiklik qanunaziddir?

Avtosfer.az xəbər verir ki, istehsalçı zavod işlənmiş qazların xaric olunması üçün iki çıxış qoyubsa və sonradan sürücü iki çıxış da əlavə quraşdırıb dörd çıxışlı edirsə burada iki məsələyə diqqət etmək lazımdır.

Əgər sürücü tərəfindən əlavə artırılmış çıxışlar bir başa katalizator sistemindən çəkilməyibsə burada qayda pozuntusundan söhbət gedə bilməz. Əsas məsələ odur ki, avtomobilin səs desibeli 74-dən yuxarı olmasın və  işlənmiş qazların xaricetmə sistemi qaydasında işləsin. Qeyd olunan bu normativlər qaydasındadırsa sürücü tərəfindən əlavə quraşdırılmış iki çıxış qayda pozuntusu hesab edilə bilməz.