Yol nişanını tanımayan sürücülər əks yolla hərəkət etdilər - VİDEO

Göygöl yolunda qayda pozan sürücülər kameraya düşüb. Avtosfer.az xəbər verir ki, hadisə sentyabrın 3-də baş verib. Belə ki, 77-BO-176 qeydiyyat nişanlı "KIA" markalı və 99-LK-356 qeydiyyat nişanlı "Honda" markalı avtomobillərin sürücüləri yolda quraşdırılmış nişanın mənasını anlamadıqları üçün qaydanı pozublar. Yolun sağına quraşdırılmış 4.3 nişanı qarşıda dairəvi hərəkət təşkil edilmiş yolayrıcının olmasından xəbər versə də, sürücülər dairəyə daxil olmayaraq əks yolla hərəkət ediblər.

Apardığımız müşahidələrdən qənaətə gəlmək olur ki, əksər sürücülər avtomobili vərdiş etdikləri kimi sürürlər. Hər gün getdikləri yolda həmişə necə hərəkət ediblərsə, sabahsı gün də o cür hərəkət edirlər. Bəzən yolda nişan dəyişir, amma sürücülər yenə də əvvəki qaydada hərəkət edirlər. Bu videodakı sürücülər də qeyd etdiyimiz vərdişlə sürürlər. Onlar hələ 4.3 nişanının tam mənasını anlamırlar.

Leyla